كيف تؤسس براند عالمي براس مال ٥٠ الف جنيه | قصة نجاح شركة ناس تريندز

لو كنت مفكر ان انك عشان تعمل شركة يبقى انت محتاج ملايين ومباني  ومصانع او محتاج تبقى مليونير عشان تعمل شركة تبقي غلطان.

ابطال قصتنا النهارده برأس مال ٥٠ الف جنيه فقط أسسوا براند مصري عالمي بيتباع في كل مكان في الوطن العربي دلوقتي 

بطل قصتنا النهارده هو مش شخص واحد 

بطل قصتنا هو فريق عمل شركة ناس تريندز

 احمد رضا و ٤ من أصدقائه وهما في الجامعة الامريكية في السنة التالتة 

الفكرة

لما لقوا عندهم وقت فاضي كتير قرروا يعملوا حاجة مختلفة 

لما شافوا شباب كتير لابس تيشرتات كلها عبارات انجليزية واحيان كتير بتبقا شتايم وفي الغالب مش بيكون عارف ايه المكتوب.

ومن هنا جاتلهم فكرة انك تلبس حاجة تعبر عنك بكلمات مفهومة بتصميم جميل وعلشان كده سموها ناس لانها بتعبر عن الناس.

البداية

وفي ٢٠٠٩ اسسوا الشركة  براس مال ٥٠ الف ج من كل واحد ١٠ الاف جنيه 

جابوا ١٠ تصميمات كانوا مع صديقهم انس طلبه ودوهم المطبعة وعملو منهم ١٠٠٠ تيشرت

وفي ٢٠١٠ كان اول منتج ليهم معروض فوق سطوح أحد الشركاء وعزموا اصحابهم .

المجموعة الصيفية عملت نجاح كبير وباعوها كلها لأصحابهم في الجامعة 

ولما عملوا مجموعة شتوي ما كانش ليها رواج اد كده

وفي ٢٠١١ كانت نقطة تحول في حياة الشركة بالتزامن مع الثورة نزلوا مجموعة تيشرتات في حب مصر وعملوا منها مبيعات كتير جدا

بعد كده كانوا بياجروا ركن في المولات عشان يعرضوا فيه شغلهم

يعني وانت في البداية مش محتاج يبقى ليك فرع يكلفك مبالغ كتير ممكن تبداء علي اي حال

التمويل

وفي نفس السنة جالهم أول تمويل ١٫٣٠٠ مليون الف من شركة تمكين كابتل مقابل حصة من قيمة الشركة أقل من ٥٠٪

وفي ٢٠١٣ قدرت شركة ناس انها توصل لنقطة التعادل وبدأوا في جني الأرباح

بعد كده الشركة معدل النمو بتاعها كان ١٠٠٪  كل سنة عن السنة اللي قبلها

وفي ٢٠١٦ كان أول توسع للشركة خارج مصر في جدة بالمملكة العربية السعودية

واحدة من الأفكار التسويقية الجميلة اللي عملوها الشباب في ناس تريند انهم راحوا للناس اللي الشباب بتحبهم وعرضوا عليهم يلبسوا منتجاتهم زي زاب ثروت وحمزة نمرة

ناس تريندز حتى الآن مالهمش مصنع بتاعهم

بيعملوا منتجاتهم في أكثر من ١٢ مصنع مختلف 

هما شايفين انه اهم حاجة التركيز على المنتجات وعددها 

طالما انك تقدر تصنع بدون ما تكلف نفسك ملايين

بـ يعلق أحمد رضا وبيقول

رائد الأعمال هو شخص ساب وظيفة من ٩ص الي ٥ م عشان يشتغل ٢٤ ساعة

 احنا في ناس بدأنا ب ٥٠ الف جنيه النهارده دي مبيعات يوم واحد

الدروس المستفادة من قصة نجاح ناس:

• البساطة انت مش محتاج ملايين عشان تنجح شركة اد ما انت محتاج فكرة مميزة وقابلة للنجاح

• متقلدش حد حاول يكون ليك فكرتك ودافع عنها وطورها

• انت مش محتاج يبقى عندك مصانع وستورز كتير عشان تطلع منتج وتبيعه، ممكن تصنع عند الغير وتبيع اونلاين موقع علي النت مش هيكلفك ٢٠٠٠ج

• الشريك اللي قلبه حامي متفرطش فيه

بس كده يا بطل دي كانت قصتنا النهارده 

نتمنى تكون القصة حفزتك انك تبدأ 

وأن شاء الله نحكي قصة نجاحك قريب

تقدر تسمعها علي ابل بودكاست http://apple.co/2M571BU وكمان تقدر تسمعها علي جوجل بودكاست http://bit.ly/3chP51q

 

قياس نسبة السكر في الدم دون جرح ميزة قادمة في ساعات ابل وسامسونج

 حسب تقارير كورية أنه سيتم تضمين مستشعر سكر الدم في  ساعة ابل  Series 7 ، عندما يتم إطلاقها في وقت لاحق من هذا العام.

نظرًا لأن التطبيقات الصحية هي نقطة بيع رئيسية لـ ساعات ابل ، فقد كان من المتوقع منذ فترة طويلة أن شركة Cupertino تريد توسيع قدراتها الطبية …

عندما أطلقت شركة ابل ساعة Apple Watch لأول مرة ، قامت الشركة بتسويقها بشكل أساسي على أنها طريقة مناسبة لعرض الإشعارات والرد عليها. ومع ذلك ، سرعان ما أصبح واضحًا إلى حد ما أن ميزات الصحة واللياقة البدنية هي التي تزيد نسبة المبيعات ، وقد قامت ابل بتكييف الرسائل وتطوير المنتجات وفقًا لذلك.

اقترح الرئيس التنفيذي تيم كوك في البداية أن الشركة ستكون حذرة في إضافة القدرات الطبية للساعة ، لأنها تخشى أن الحاجة إلى موافقة إدارة الغذاء والدواء قد تعيق الابتكار.

لا نريد أن نضع المراقبة في عملية إدارة الغذاء والدواء (FDA). لا أمانع في وضع شيء مجاور للساعة من خلاله ، ولكن ليس الساعة ، لأنها ستعيقنا عن الابتكار كثيرًا ، والدورات طويلة جدًا. ولكن يمكنك أن تبدأ في تصور أشياء أخرى قد تكون مجاورة له – ربما تطبيق ، أو ربما شيء آخر.

استجابة لطلب العملاء ، غير تيم كوك رأيه. وقد قامت الشركة باضافت وظائف ECG إلى الساعة في عام 2018 ، بما في ذلك الكشف عن Afib – وشهدت العام الماضي إضافة ميزة  تشبع الأكسجين في الدم إلى قدرات السلسلة 6.

مستشعر سكر الدم في Apple Watch

سيكون جهاز استشعار السكر في الدم خطوة تالية واضحة. تقدر جمعية السكري الأمريكية أن أكثر من 10 ٪ من الأمريكيين يعانون من مرض السكري ، وأن أكثر من 26 مليون منهم لم يتم تشخيصهم. يمكن أن تؤدي إضافة مستشعر سكر الدم إلى Apple Watch دورًا مهمًا للغاية في إجراء الاختبارات والتشخيص والعلاج بشكل رسمي.

تدعي تقارير ET News أن كلا من Apple Watch Series 7 و Samsung Galaxy Watch 4 سيكونان قادرين على قياس نسبة السكر في الدم عند إصدار كل منهما في وقت لاحق من هذا العام.

سيتم تزويد شركة سا مسونج بوظيفة قياس نسبة السكر في الدم في الساعة الذكية الجديدة “Galaxy Watch 4” التي سيتم تقديمها في النصف الثاني من هذا العام. إنها طريقة لأخذ عينات من الدم تكشف عن مستوى الجلوكوز في الدم دون جمع الدم باستخدام جهاز استشعار بصري ، ومن المتوقع أن تساهم في متابعة الحالة الصحية لعامة الناس وكذلك مرضى السكر

ليس فقط شركة سامسونج ، ولكن شركة ابل أيضًا تطبق وظيفة قياس نسبة الجلوكوز في الدم على Apple Watch 7 التي سيتم تقديمها هذا العام. مع تأمين تكنولوجيا براءات الاختراع ذات الصلة ، فإنها تركز على ضمان الموثوقية والاستقرار قبل إتاحة التكنولوجيا.

ليس من الواضح في هذه المرحلة ما إذا كان مستشعر الأشعة تحت الحمراء الحالي سيكون قادرًا على العمل ككاشف لنسبة الجلوكوز في الدم أيضًا. يمكنك بالفعل شراء أجهزة اختبار منزلية ميسورة التكلفة تتزامن مع iPhone و ساعة ابل ، ولكنها تعتمد على وخز الدبوس الصغير. ينصب التركيز الحالي على الكشف غير الجراحي ، ويمكن تحقيق ذلك عبر مستشعرات الأشعة تحت الحمراء.

إن مستشعر معدل ضربات القلب في جميع ساعات ابل قادر على العمل كمستشعر O2 ، لكن ابل احتفظت بهذه الميزة للسلسلة 6. حتى إذا اتضح أن نفس المستشعر يمكنه قياس نسبة السكر في الدم أيضًا ، فقد تتخذ الشركة نفس النهج وتتخذ إنها ميزة حصرية من السلسلة 7 لأسباب تسويقية.

المصدر

قصة الوصول الي 3.1 مليار دولار في ٦ سنوات | اقتصاد وعلوم تكنولوجيه

ريادة الأعمال هي المهنة الوحيدة في العالم اللي تخلي واحد من الناس العاديين اللي زيينا مع ارادة وعزيمة وعلم ومعرفة روح مقاتلة

أنه لما يبدأ يؤسس شركة برأس مال ١٠٠ ألف دولار يقدر يبيعها بعد ٦ سنين فقط ب ٣٫١ مليار دولار.

هي دي ريادة الأعمال وهو ده بطل قصتنا النهارده

مدثر شيخه مؤسس شركة كريم

اتولد مدثر شيخا في كراتشي الباكستانية

درس مراحل دراسته الأولى في باكستان

يقول مدثر أنه كان ذلك الطفل العبقري غريب الأطوار 

وأراد دائما أن يكون في المقدمة

حصل على بكالوريوس الاقتصاد وعلوم الحاسب من جامعة جنوب كاليفورنيا عام ١٩٩٩

مدثر بعد التخرج حاول يؤسس الستارت اب الخاص بيه وعمل شركة وبعها علطول قبل ما تكبر

بعد كده اشتغل في شركة ماكنزي العالمية كمستشار ليهم في باكستان

بعد كده المدير التنفيذي لشركة كريم من ٢٠١٢ حتى الآن

اتفق مع شريكه ماغنوس اولسون السويدي اللي كان زميله في ماكنزي وكان أيضا مستشار للشركة في السويد على تأسيس شركة في الشرق الاوسط يكون لها مردود مجتمعى واختاروا دبي المزدهرة لانطلاق مشروعهم.

البداية

في ٢٠٠٩ اجتمع الشريكين على مناقشة الأفكار المطروحة وكانت إحدى هذه الأفكار إنشاء مزارع سمكية ايوه والله زي ما بقولك كده

بما ان المنطقة نسبة متوسطي الدخل فيها كبير جدا شافوا انهم يقدروا يساعدوا الناس البسيطه دي.

ولما فكر ولاقى انه هيرجع اخر اليوم رائحته سمك لاغي الفكرة على حد قول مدثر وشريكه في أحد اللقاءات.

ثم كانت فكرة انه في مشكلة كبيرة بالنقل والمواصلات في المنطقة العربية 

وفي يوليو ٢٠١٢ العالم كان على موعد مع انطلاق واحدة من أنجح الأفكار في المنطقة العربية شركة كريم برأس مال ١٠٠ ألف دولار واقوال اخرى نص مليون دولار بتمويل شخصي منه وصديقه.

وكانت أول رحلة في دبي والعميل هو ماجنوس الشريك للتجربة.

يقول مدثر أن الشركة انطلقت في ١ رمضان لذلك سماها كريم نسبة إلى العبارة الشهيرة رمضان كريم وكان يأمل أن تكون الشركة كريمة معهم ومع كل من يعمل معها.

انطلقت في البداية كخدمة علي النت للتتحول إلى شبكة للنقل وتأجير السيارات.

وفي ٢٠١٣ انطلقت في قطر 

وفي نفس العام حصلت على استثمار بقيمة ٤ مليون ريال سعودي من الاتصالات السعودية STC

وفي جولة تمويل في ٢٠١٤ استثمرت مجموعة الطيار للسفر ١٠ مليون دولار مقابل حصة من قيمة الشركة تقدر ب ١٨٪

وفي نفس السنة وصل عدد مستخدمي كريم الي مليون مستخدم

وبعد كده شركة كريم بدات تكبر وتنتشر وتتوسع في المنطقة العربية رغم المنافسة الشرسة مع شركة أوبر الامريكية

وفي ٢٠١٥ استحوذت شركة كريم على تطبيق عنواني وهو يقدم خدمات التوصيل للمنازل في السعودية ومؤسسه الدكتور عبدالله الياس اللي انضم لفريق كريم

وفي نفس العام استحوذت كريم على تطبيق تاكسي المغرب.

وهنا نحب نوضح ليه الشركات تستحوذ على شركات اخرى صغيرة 

بما أن شركات ريادة الأعمال هي شركات سريعة النمو والانتشار فـ لما تيجي تتوسع في دولة تانية فبدل ما تبدا من البداية .

تدور على شركة ناشئة في نفس المجال وتضمها هي عملائها وبياناتهم وموظفينها ومكاتبها توفر الكثير من الوقت.

وفي ٢٠١٦ استثمرت الاتصالات السعودية STC مبلغ ٣٥٠ مليون دولار مقابل ١٠٪ من قيمة الشركة

حيث تخطت قيمة الشركة المليار دولار يقول مدثر لم يكن الامر سهل على شركة ناشئة ان تجلب أفضل المهندسين والمصممين عشان كده كان بيعرض عليهم العمل مقابل أسهم في الشركة يعني بيعاملهم كـ مالكين وليس موظفين.

واعتقد ان ده من اهم اسباب نجاح شركة كريم

وفي ٢٠١٧ أطلقت كريم خدمتها في فلسطين كجزء من خطة توسع لتوفير مليون فرصة عمل

وفي ٢٠١٨ أعلنت كريم استحواذها على شركة روند منيو Roundmenu

وهي خدمة  تعمل على الانترنت تضم قوائم المطاعم وتقديم الوجبات في المنطقة العربية ودي كانت من أسباب إنقاذ الشركة بعد كده في ازمة كورونا في ٢٠٢٠.

وفي ٢٦ مارس أعلنت اوبر العالمية استحواذها على شركة كريم مقابل ٣٫١ مليار دولار.

ودي تعتبر اغلى صفقه استحواذ في الوطن العربي حتى الآن.

رحلة كريم للوصول للرقم ده خلال ٦ سنين لم يكن سهل ابدا

يقول مدثر وجدنا أن السيارات مش بتلاقي العملاء بسبب عدم دقة خرائط جوجل أنشأنا خرائط خاصة بنا.

كلما كان هناك فشل كلما كانت فرصة لنا لنتعلم

يقول ان من اهم اسباب نجاح شركتنا هي قدرتنا على حل المشكلات

ومشكلة توظيف الكفاءات يقول قررنا نمنح الأسهم للموظفين حتى يكونوا شركاء وليسوا موظفين

في ٢٠٢٠ انخفضت أعمال الشركة بنسبة ٨٠٪ بسبب أزمة كورونا لأنهم كانوا قبل كرونا بيشتغلوا في مجال واحد فقط نقل الاشخاص

وهنا بتظهر مرونة الشركات القادرة على التكيف

 تحول نشاط الشركة بسبب الجائحة الي نقل الأشياء وأعطوا الناس امكانية ارسال واستلام ما يريدون دون مغادرة المنزل

وانشئنا تطبيق سوبر اب لحلول الدفع وتحويل الأموال دون تلامس

يقول مدثر

 ان كل ازمة هي فرصة تتطلب طرق مختلفة للتفكير في إيجاد الحلول.

الان شركة كريم تقدم خدماتها في ١٤ دولة واكثر من ١٠٠ مدينة 

عدد العملاء المسجلين ٣٣ مليون لديها ١٠٧ مليون كابتن سيارة كما يطلق عليهم مدثر.

بس كده يا بطل دي كانت قصتنا النهارده.

نتمنى تكون قصة مدثر الهمتك انك تبداء

وقريب ان شاء الله نحكي قصة نجاحك انت بس شد حيلك.

لو عجبتك الحلقة متنساش تدعمنا بلايك وشير

يقول الرسول صلى الله عليه وسلم زكاة العلم نقله.

وتقدر تسمع محتوى الحلقة صوت من البودكاست ده

ساوندكلاود

جميع منصات البود كاست

قصة نجاح موقع سوق . كوم | اقتصاد وعلوم تكنولوجيه

بسم الله الرحمن الرحيم

ربنا سبحانه وتعالي قال في القران الكريم

نَحْنُ نَقُصُّ عَلَيْكَ أَحْسَنَ ٱلْقَصَصِ بِمَآ أَوْحَيْنَآ إِلَيْكَ هَٰذَا ٱلْقُرْءَانَ وَإِن كُنتَ مِن قَبْلِهِۦ لَمِنَ ٱلْغَٰفِلِينَ

وبما ان القصة هي افضل طريقة يتعلم منها الناس 

هنحاول نحيلكم قصص الناس اللي نجحوا في حياتهم

لعلها تكون دافع ليك ان تسطر قصة نجاحك

بدل ما تحكي لاولادك قبل النوم قصة الذئب والخراف السبعة

وتربيهم علي الخوف من الذئب اللي مستنيهم ورا الباب ….

احكيلهم عن رونادو مشحور ابن حلب السورية وسميح طوقان وحسام خوري

اللي اسسو واحد من اعظم واكبر الشركات في الشرق الاوسط سوق . كوم

بدل ما تربيهم علي الخوف وانه يدفن راسه في الطين زي النعام لما العاصفة تمر

علمه انه لما يتسلح بالعلم والمعرفة يقدر يواجه العالم….

بسم الله والصلاة والسلام علي رسول الله النهارده ان شاء الله هنحكيلكم عن  واحدة من اجمل وانجح قصص ريادة الاعمال في المنطقة العربية 

رونالدو مشحور او مشحور زي ما بينطقها الاخوة السوريين

ولد رونالدو مشحور في عام ١٩٦٦م

في مدينة حلب السورية لعائلة مرموقة تعمل بالتجارة

درس هندسة الكهرباء وعلوم الحاسب في جامعة جامعة نورث إيسترن في بوسطن بالولايات المتحدة

وحصل منها علي درجة الماجستير في ادارة الاعمال

كان ممكن يرجع بلده ويسعى انه يطور تجارة عيلته ويلعب بالملايين

لكنه كان له رائ اخر

عمل كـ مستشار تقني في شركة (EDS) 

وفي عام ٢٠٠٠م قاد شركة استشارية عملت علي كتير جدا من مواقع الويب والتجارة الالكترونية في الوطن العربي ل ٥ سنين …..

وده كان السبب الكبير وراء معرفة بالسوق في المنطقة العربية

وفي عام ٢٠٠٥م  وبعمر ٣٩ سنة قرر تاسيس منصة للبيع عبر الانترنت في المنطقة العربية 

بالمشاركة مع اصدقائه سميح طوقان وحسام خوري

وده في ٢٠٠٥ كان امر في غاية الصعوبة في الوقت ده عدد مستخدمين الانترنت في الوطن العربي لا يصل الي مليون شخص

ومع ذلك كان بيراهن علي نجاح فكرتهم…

وفي ٢٠٠٧ توسع في السعودية

وفي ٢٠٠٩ دخل سوق مصر

وفي ٢٠١٠ وصل عدد المستخدمين ٢ مليون زائر يوميا واكتر من مليون ونص سلعة علي متجرهم..

وده اللي شجع شركة زي ناسبر الجنوب افريقية للاستثمار في سوق 

ف في ٢٠١٢ حصلت سوق علي جولة تمويلة بقيمة ٤٠ مليون دولار ………

وفي اللحظة دي بالذات وفي مكان ما في العالم 

الشخص الوحيد اللي كان من حقه يشغل اغنية الفنان احمد شيبة ( اه لو لعبة يا زهر ) هو رونالدو مشحور وشركاه 

كان ممكن يطلع يشتري جزيرة من جزر الكاريبي ويعيش حياته 

ولكن مشحور عشان ريادي ناجح عارف ان رائد الاعمال الشاطر هو اللي بيستثمر نجاحاته الحالية لتحقيق نجاحات اكبر في المستقبل.

وفي ٢٠١٣ حصلت سوق علي جولة تمويلية اخرى بقيمة ٧٥ مليون دولار

من ناسبر الجنوب افريقية وتايجر الامريكية.

وفي ٢٠١٦ حصلت علي جولة تمويلية اخرى تقدر بـ ٣٠٠ مليون دولار

لتصل قيمتها السوقية الي مليار دولار

لتتحول الي شركة احادية القرن (unicorn) وهو مصطلح اقتصادي يطلق علي الشركات التي تتخطى قيمتها السوقية مليار دولار……

ومع استمرار النجاح اعلنت سوق عن بيع ٨ مليون سلعة من علي متاجرها في ٢٠١٦

في اواخر ٢٠١٦ انتشرت اخبار عن اعتزام امازون علي شراء سوق بقيمة ٦٥٠ مليون دولار ولم تتم الصفقة.

وفي مارس ٢٠١٧ ظهرت اخبار عن ان شركة اعمار الامارتية تفكر في شراء سوق بقيمة ٨٠٠ مليون وكذلك دخول التنين الصيني علي الخط علي بابا للاستحواز علي سوق

وده هيبقا حالك لما شركتك تنجح وتحط رجل علي رجل وتبيعها للي يدفع اكتر….

وفي ٢٨ مارس اعلن مشحور عن بيع سوق لـ امازون بصفقة تقدر ب ٦٥٠ مليون دولار 

اليوم سوق لديها ٤٥ مليون زائر شهريا

لديها اكثر من ٢ مليون سلعة علي متجرها

باعت سوق في الوايت فراي دي الماضي اكثر من مليون سلعة من خلال متاجرها في يوم واحد فقط.

ولازم تعرف ان سوق طريقها ما كانش مفروش بالورود كان في صعوبات كتير جدا.

وفي اعتقادي ان اهم سبب لنجاح شركة سوق وهو العمل بشكل جاد علي كسب ثقة العملاء .

اتذكر ان انا اشتريت من موقع سوق في بدايته في مصر سلعة بقية ٢٠٠ج  وجاتلي عربية بيها مخصوص مسافة ٤ ساعات من القاهرة لمكاني

تكلفة الشحن اصلا ممكن تعدي قيمة السلعة 

لكن دلوقتي عربيات سوق بتنزل كل يوم محملة في نفس المنطقة

وده في اعتقادي من اسباب نجاحهم

بس كده يابطل دي كانت قصة نجاح سوق . كوم

نتمنى القصة تديلك دافع ان تفكر من جديد وان شاء الله نحكي قصة نجاحك انت قريب هنا بردو بس ما تنساش نسبتي ….

و لو بتشوفنا من اليوتيوب لازم تكون مشترك في القناة

امال هتسمع قصة نجاحك ازاي .

ولو عجبتك الحلقة متنساش تدعمنا بلايك وشير.

تقدر تسمع محتوى الحلقة علي جميع منصات البودكاست من الرابط التالي

بودكاست

شاهد الحلقة علي يوتيوب