اللي حضر العفريت ... يا يصرفه .. يا يتحمل اذاه .

منذ اللحظة الاولي اللي قال فيها ((انا عايزكم تنزلو بكرة تدوني تفويض وامر اني احارب العنف والارهاب المحتمل))  

لا ما شاء الله علي النباهة ايوه كده ياريس كنا محتاجين واحد نبيه زيك من زمان.

لم يكن احد في مصر يتخيل الارهاب الذي يتحدث عنه السيسي سوى في افلام عادل امام فقط , ثم فوضه من فوضه وملاء القتل والاعتقال كل شوارع مصر وجامعاتها حتى انه لم يخلوا بيت في مصر من اما معتقل او شهيد او مصاب او مطارد.

مش مهم المهم تكون قضيت علي الارهاب معاليك؟ , المهم يشيل عننا الكابوس الكبير بتاع الارهاب ده.

لا يا سيدي لسه الجنود بتموت في سيناء والشباب بيتقتلوا في الشوارع والجامعات .

انها حقاً قيادة عبيطة .... يبقا جنودك بتتقتل في سينا وانت بتقتل وتعتقل في الطلبة!!!!

وتمر الايام ولسه الجنود بتموت وده ان دل علي شئ فهو واحد من اثنين لا ثالث لهما , يا اما  ان السيسي فشل في الحفاظ علي دماء المصريين من جنود ومدنيين.!!

يا اما ان الوهم الكبير بتاع الارهاب اللي معيشنا فيه ده يكون من تدبيره ليخلق لنفسه مبررات قمع معارضيه , وهذا هو الفشل الاكبر ان يضرب الرئيس الكل في الكل ويتاجر بدماء المصريين ليحافظ علي كرسيه وتمكين انقلابه علي الرئيس المنتخب.

سيبك انت من الكلام الطخين ده يعني ما قولتليش , قضيتوا علي الارهاب بعد كده؟

لا يا سيدي قام طلع في خطاب تاني وقال لازم نستحمل , مهو احنا احسن من غيرنا بكتير (احسن ما نبقا زي سوريا والعراق.!!!!

ياخرابي سوريا والعراق لا ياريس, هنستحمل ياريس معاك علي الحلوة اللي ما شوفنهاش والمرة اللي عايشينها.

حتى انها اصبحت المبرر الاكبر لكل مؤيدين الانقلاب ومبررهم الوحيد عندما تحدثه عن القتل والقمع والظلم والفشل الذي نعيشه .

المهم ما نبقاش زي سوريا والعراق !!!

لا يا سيدي ... ثم ظهر فديو لانصار بيت المقدس تعلن مسؤليتها عن حوادث قتل الجنود لاول مرة بالفديو , عايز اقولك ان احنا شكلنا داخلين علي اكبر من سوريا والعراق دى احنا هنخدهم الاتنين في باكدج واحده .

واللي حضر عفريت .. يا اما يصرفه .. يا يتحمل اذاه.

ويا الله ملنا غيرك يا الله .